I miss UK

June 7th, 2007

(明報) 06月 07日 星期四 08:45AM

今日多份報章都是報道全國人大常委會委員長吳邦國昨日的講話,而香港的權力是由中央授予這個說法成為焦點。

《明報》說,中央政府透過慶祝《基本法》實施10周年的座談會,提出兩大信息。吳邦國強調,香港高度自治來自中央政府授權,「中央授予香港特別行政區多少權,特別行政區就有多少權」。又說,吳邦國說:「沒有明確的,根據《基本法》20 條的規定,中央還可以授予,不存在所謂的剩餘權力的問題。」

《星島日報》頭條也是吳邦國所講,香港特區的高度自治權來自中央的授權,中央授予香港特區多少權,特區就有多少權,不存在所謂「剩餘權力」問題。又引述學者表示,吳邦國的言論,是要提醒港人「權在中央」,不要以為在未來的政制發展中可以「自把自為」。

《英文虎報》和《南華早報》都以此作為頭條,而《大公報》、《文匯報》和《香港商報》對此都作正面報道,但《蘋果日報》則說,吳邦國的說法是「閹」了香港。

《蘋果日報》說,民主黨主席何俊仁批評,吳的言論等同閹割了香港賴以成功的司法獨立;前基本法起草委員李柱銘則擔心,中央將再收緊對香港的管治,令高度自治、一國兩制蕩然無存。還引述中文大學中國法制研究員王友金批評,「(吳邦國)想將中國套搬香港」。又說前基本法草委司徒華指出,《基本法》沒有「三權分立」四字,香港法院、終審庭完全獨立,體現了香港享有司法獨立,反而是中央透過人大釋法,違背《基本法》的精神。
唔知點解,看到電視上吳邦國的說話後好不安...

呢排真係越來越depress...
先有澳門抽水哥發瘟開鎗、接有中大情色版事件、繼有登hyperlink被入罪、續有馬力條「福佳」碌豬,而家再有「唔多覺」一鋪清你袋,像是黑社會響朵一樣話你知香港呢度唔係你地香港人既地頭,香港係中央既地頭,你班友仔休想響佢個場玩野...

唉!漸漸開始連普選都唔想爭取...
究竟幾時先可以離開香港呢個不知所謂的地方。
唉....

肥彭,好掛住你呀!

白痴事件簿之一

November 23rd, 2006

頭先食完飯埋單...咦?點解銀包入面冇錢既?!我明明響出街前禁左錢架喎...食飯前仲響7仔買左野架!繼續搵均全身、全個袋、全個銀包都冇!只係搵到張禁錢收據!禁左d錢到底放左去邊?

朋友說:「算吧啦!呢餐我比啦!」,我勁lor...

苦苦思量左好耐,答案係:原來禁完錢唔記得law走d錢;而7仔買野原來係用...「嘟」!

救命呀!點解自己會咁低b!邊個亞媽生埋呢d白痴?!我唔制呀!

越窮越見鬼!超灰....  >_<

明天會更好

November 23rd, 2006

無意間在網上找回「明天會更好」一曲。沒聽了好多年,再聽還是令人動容。

依然想起六四、想起學生們無助卻又堅定的眼神、想起一幕幕屠殺的畫面...

除了民運歌,相信再沒有什麼歌可以令人動容得「起雞皮」。六四,依然是一道傷痕。

MV: http://blog.xuite.net/beingmusic/BMF/4293108?ctype=List
作曲:羅大佑
編曲:陳志遠
作詞:羅大佑/張大春/許乃勝/李壽全/邱復生/張艾嘉/詹宏志

(蔡 琴)輕輕敲醒沉睡的心靈 慢慢張開你的眼睛
(余 天)看那忙碌的世界是否依然孤獨地轉個不停
(蘇 芮)春風不解風情 吹動少年的心
(潘越雲)讓昨日臉上的淚痕 隨記憶風乾了

(甄 妮)抬頭尋找天空的翅膀 候鳥出現牠的影跡
(李建復)帶來遠處的飢荒無情的戰火依然存在的消息
(林慧萍)玉山白雪飄零 燃燒少年的心
(王芷蕾)使真情溶化成音符 傾訴遙遠的祝福

(黃鶯鶯)唱出你的熱情 伸出你雙手
     讓我擁抱著你的夢 讓我擁有你真心的面孔
(洪榮宏)讓我們的笑容 充滿著青春的驕傲
     為明天獻出虔誠的祈禱

(陳淑樺)誰能不顧自己的家園 拋開記憶中的童年
(金智娟)誰能忍心看那昨日的憂愁 帶走我們的笑容
(王夢麟)青春不解紅塵 胭脂沾染了灰
(李佩菁)讓久違不見的淚水 滋潤了你的面容
(費玉清)唱出你的熱情 伸出你雙手
     讓我擁抱著你的夢 讓我擁有你真心的面孔
     讓我們的笑容 充滿著青春的驕傲
     為明天獻出虔誠的祈禱(水草三重唱和聲)

(齊 豫)輕輕敲醒沉睡的心靈 慢慢張開你的眼睛
(鄭 怡)看那忙碌的世界是否依然孤獨地轉個不停
(江 蕙)日出喚醒清晨 大地光彩重生
(楊 林)讓和風拂出的音響 譜成生命的樂章

(合 唱)唱出你的熱情 伸出你雙手
     讓我擁抱著你的夢 讓我擁有你真心的面孔
     讓我們的笑容 充滿著青春的驕傲
     讓我們期待明天會更好

(蘇 芮)唱出你的熱情 伸出你雙手
     讓我擁抱著你的夢 讓我擁有你真心的面孔
     讓我們的笑容 充滿著青春的驕傲
     讓我們期待明天會更好(齊秦和聲)

(余 天)唱出你的熱情 伸出你雙手
     讓我擁抱著你的夢 讓我擁有你真心的面孔
     讓我們的笑容 充滿著青春的驕傲
     讓我們期待明天會更好(蘇芮和聲)

(合 唱)唱出你的熱情 伸出你雙手
     讓我擁抱著你的夢 讓我擁有你真心的面孔
     讓我們的笑容 充滿著青春的驕傲
     讓我們期待明天會更好

合唱名單:
小松、小柏、王日昇、王芷蕾、王夢麟、文章、水草三重唱(新加坡)、
包偉銘、成鳳、江蕙、江音潔、百合二重唱、李佩菁、李碧華、李宗盛、
李建復、余天、何春蘭、芊苓(馬來西亞)、巫啟賢(新加坡)、吳大衛
、林禹勝、林淑蓉、林慧萍、洪榮宏、邰肇玫、施孝榮、岳雷(新加坡)
、唐曉詩、徐乃麟、徐煒、姚乙(馬來西亞)、金智娟、麥瑋婷、許慧慧、
陳淑樺、陳黎鐘、黃慧文、黃鶯鶯、張清芳、張海漢、童安格、費玉清、楊林
、楊烈、楊耀東、甄妮、齊秦、齊豫、廖小維、潘越雲、鄭怡、賴佩霞、鍾有道
、蔡琴、藍心湄、羅吉鎮、蘇芮

歌曲由來:http://tw.knowledge.yahoo.com/question/?qid=1306030409782

搭地鐵 咪衝門 要小心

November 20th, 2006

一直對那個用小時候遊戲「紅綠燈過馬路要小心」作橋段變成「o都o都o都要小心」遊戲的勸籲人搭地鐵咪衝門的電視廣告甚為不解。

畫面中一班人當聽到「捉人者」口唸「o都、o都、o都」時,都一窩蜂的向前跑,反而當「捉人者」唸完後把頭一轉,那班人才突然停步。這不正正是鼓勵大眾乘搭地鐵要響聽到「o都、o都、o都」時飛快的向對面月台正在關上的門衝去?還要留意當有地鐵職員(捉人者)看到你時便要立即止步扮無野?

要宣傳的訊息和拍攝出來的意思完全相反....真是一個奇怪的廣告!

老豆發癲之一

September 8th, 2006

頭先老豆又發癲。

這幾天身體不適,剛才正在睡房小睡休息中,突然被震耳欲聾的拍門聲驚醒(正確黎講,係好似想拍爛度門既聲)。還未弄清什麼回事,只聽見他在喝罵我整爛廚房垃圾桶個蓋,累他多次修理。罵了幾十秒,我沒氣和他隔著度門回應,想倒頭再睡。

但我氣憤難平(生平最憎被人嚇醒,奈何佢最鐘意),過多數分鐘也睡不著,我走去廚房,對他說:「你咪以為你大聲就o岩晒喎!個垃圾桶蓋我夠修理過幾次啦!又唔見我出聲!?」
他怒氣沖沖再放大喉嚨喝罵:「呢間屋而家得3個人,你老母話唔係佢,你又話唔係你,咁唔通係我!?我仲服待你班人唔x夠呀?你.....!!!.....!!!」(下刪一百字加粗口)
我忍無可忍:「爛左咪整law,唔想整咪買過個law!我買過個返黎啦!你唔好嘈啦好冇!?」
佢越鬧越大聲,由佢眼神看到一絲殺氣,仲由廚房衝了出飯廳,我怕佢又再忍唔住會郁手,心諗:你唔係打算為左個垃圾桶蓋又再搞單家庭暴力下話?
我一路避入廁所,一路不斷勸佢咪嘈,但我發覺,越叫佢唔好嘈,佢越激動。佢激動既情緒,比巴士阿叔激十倍。我開始驚,決定避入廁所和不再應佢(心平氣和咁應佢佢都會越黎越激)。

在廁所等聽了五分鐘,佢就足足發癲咁耐。震耳欲聾的不停喪罵、還作勢揮動拳頭、每一次發作不論事情
大小也把多年的積怨給拖下水,這種精神虐待,我還要多受多少次?

剛才若我繼續反駁佢(事實我冇整欄垃圾桶個蓋),若我不懂躲入廁所迴避,相信明天又或會多一宗家庭
慘劇。對我來說,我對他(會否因自己的情緒而傷害人)已完全沒有信心,我能做到,只有不斷在陰影下
與他共處。

每人也有壓力,在他而言,我明白他的壓力將近爆發,但不好好處理自己的壓力,而把壓力發洩到他人身
上,令他人精神及身體受損,這實在不能接受。

倒是替我開抗抑鬱藥的精神科醫生說得對。他比我更需要見精神科!

何必

August 3rd, 2006

上車前....
B:「我過2個月要搬了。....我和她一起住。」
P:「.....」
B:「.....」
P:「你點解一直係咁望住我?」
B:「.....」
P:「你係想睇我聽到呢個消息後既表情丫?係怕我而家死撐,擔心緊我會受唔住?定係你唔捨得我?」
(B不自然的一笑)
P:「你已經答左我。」

搭車中.....
B:「如果我同佢住埋後真係結婚,你想我話唔話比你聽?」
P:「.....已經冇大分別,隨便你吧。但我唔想收到張帖。」

B下車前.....
P:「你自己以後保重。今次見面係最後一次。」
B:「點解要咁?」
P:「到喇。拜拜。」

2/8 19:38 SMS from B to P
「P,你剛才問我個問題,答案係第三個,不過,我同你都清楚我同你之間既關係,而我亦相信:you are deep in my heart and vice versa…..   -B」

既有今日,當初何必苦苦相纏。
「我要首先講聲 我走
還是愛到你說 請你走
如果講一聲 請照顧 我感受
我最怕你講出口」

我的寶寶番薯有腎病

July 21st, 2006

約10個月大,

佢病徵:
1日飲成30ml水! (我個樽仔有刻度)
勁多尿, 1日痾濕整個大廁所, 約2cm厚的廁所砂全部濕透, 係反轉個廁所都跌唔返d砂出黎!

尋日終於帶左番薯睇醫生。

原來, 唔係糖尿, 係腎病…. fcry.gif

第一次去大圍那間睇, 真係好好, 睇了差不多半小時有多。姑娘同醫生都好細心, 比起荃灣那間, 真係「差天拱地」.

大圍個Dr.Peter Morgan替佢驗過尿, 尿中無glucose(糖), 但驗到尿中有蛋白。所以醫生話係腎有事。

有可能係腎炎, 腎衰竭, 或是大腦控制腎的荷爾蒙出現問題….

我問過醫生, 能否抽血驗/照x光等去確定病情, 但佢話若抽血要抽一定份量才得, 怕番薯未必承受到。若照x光等, 要全身麻醉, 他不建議。佢話情況若未到最差, 佢地都唔建議替佢抽血及照任何野….

Dr. Peter 比左2星期抗生素藥, 叫我一星期後帶佢覆診, 話若係腎炎, 覆診時情況應該好轉。但若沒好轉, 則可能是腎衰竭等嚴重疾病。若真係咁, 醫生做到既野唔多…… fcry.gif

姑娘好pro咁示範左一次點樣餵藥, 但返到黎自己餵, 又覺得好似好殘忍。我問dr 其實d藥對番薯黎講係甜定苦, 佢話番薯會覺得d藥好難食。

好無奈…. 有時諗, 天生天養, 大自然介所有動物(包括人)都會有病。番薯若生活在野外, 佢今日既病, 依然有可能出現, 但大自然唔會有醫生, 亦唔會有藥, 物競天擇, 最終生命是短是長, 動物根本無得揀….. 每次我餵佢食藥, 我總覺唔多安樂。我知佢怕左d藥, 甚至開始懂得避開我, 我自以為為緊佢好, 替佢延長生命, 但我反問自己:「其實佢點諗? 佢到底願不願意, 為了延長生命, 而要食d suppose 大自然冇既咁難食既藥物?」

若是一定醫得好既疾病, 我還可用一個自以為是的理由:「長痛不如短痛」, 去強行餵佢, 但而家係…. 其實佢食完d藥都唔知得唔得……

我, 到底係幫緊佢? 定難為緊佢? flowerdown.gif

leave me alone!

June 8th, 2006

I’m a cow in the office, & a dog in this house . Yes, not home, but house.

Did u ever listen to me? Oh, yes, a dog can’t talk.

I know what u expect, I really know, master. What u need is a machine, a prisoner, a dog.

No freedom, no thought, no personal willing, no say, no feeling……nothing at all.

Your word’s from God. My word’s shit.

Dad, thanks so much. Oh, sorry, I shouldn’t call u dad, master.

Money can buy freedom. I WILL remember!

Please wait. Someday….I WILL RETURN!

DAMN IT!

震盪

May 2nd, 2006

看到你的來電顯示miss call,心跳加速,呼吸再次困難...

顫抖的手拿著電話發呆,神經再次被觸動。原來,心能如此再痛...

忍不著回覆你...

B, 原來你的影響力還能如此震撼...

P:「你可唔可以一生也不再打比我?」
B:「可以。只係我唔知點解。」
p:「....」
B:「你好憎我?」
p:「唔憎。憎恨只會令自己痛心。」
B:「那我放心了。但我不明白。」
p:「太大了!你對我生命的重要性,大得我不能再同你相處下去!大得我承受不到!我地相處十年,但你對我既影響原來可以超越十年,因為呢一段唔健康既感情,我甚至連自己的愛情觀、對人對事的看法...等也都扭曲過去,現在我帶著對你的陰影,在愛情中已自處不了。我已用了我的所有青春去和你磋跎、去和你尋求一個令你舒適的位置。我已用了太多光陰,你亦已毀了我的人生。」
p:「我對你的怨恨,令我感到自己醜陋,可怕。」
B:「你到底是憎我....我自問沒什麼對你不起,你為何恨我?」
p:「我不恨了。我理性告訴自己,我不能恨你,恨你真的太痛苦。我只想delete所有和你的恩怨、回憶。」
B:「你是恨。你是恨得入骨,恨得不能再恨,才選擇delete。」
p:「什麼也好,我只想delete,我只想重生。」
B:「那我明白了。可能,我最傷害你的,是我太鍚你,但我正式不是你的男朋友...」
p:「.....」
B:「你delete,我沒有。我記得我們的週年紀念、記得你弄過的三文治、記得你的一切一切。」
.......
.......
.......

痛哭中....

雛菊

April 17th, 2006

真係好鐘意呢隻歌的melody... 

MTV
http://www.rthk.org.hk/culture/movie/mfile_342_42137_7.asx

歌詞
雛菊 電影主題曲
曲/詞: YOO YOUNG SEOK
唱:  HEY

我夢寐以求的愛
原來近在咫尺
但我惘然無助
只能無言看著你

在這陌生都市裡
我日復日繪畫著愛
期待雛菊的芬芳
會跟你驟然而來

此刻縱然太遲
但我終於知道就是你

可能我們註定不可以一起
但我願這份愛永不消逝
對不起我要離開你
留下你獨自活下去

我心如刀割
但我必須要走了

我的日本名字

April 1st, 2006

看到一網站,只要輸入中/英文名,便會替你翻譯做日本名。有趣!

http://rumandmonkey.com/widgets/toys/namegen/969  

中文名翻譯:
長谷川 久美子
Hasegawa Kumiko
means: long valley river / eternal beautiful child

中文名英文寫法翻譯:
吉国 歩
Yoshikuni Ayumi
means: good fortune country / walk, deeper meaning: walk your own way

英文名翻譯:
山田 三千代
Yamada Michiyo
means: mountain field / three thousand generations

網名翻譯:
井上 歩
Inoue Ayumi
means: upon a well / walk, deeper meaning: walk your own way

都係至鐘意長谷川 久美子,久久都咁美麗,正呀! :-|

一個小天使--丁大衛

March 28th, 2006

看過「鳳凰台」的「魯豫有約」,認識了一個操純正北京普通話的美國人--丁大衛。

一個由美國遠赴中國辦教學的真實人生故事。

節目快完結前,主持人(和我)也眼泛淚光。

落筆前,思考了良久我該怎樣描寫他在中國這十幾年來的貢獻、該如何描寫他的性格是何等的像個小天使...
但始終,我怕我實在不能用自己的言詞表達得好,甚至,怕扭曲了他的思想、沾污了他的精神。

或者,可先看看網上有些他的介紹:
http://www.wretch.cc/blog/bettyyeah&article_id=2407380

http://www.tianshannet.com.cn/BIG5/channel119/122/200402/26/67606.html
http://big5.phoenixtv.com:82/gate/big5/www.phoenixtv.com/

phoenixtv/76562297471893504/20060222/750777.shtml

他組織英語角時,為了要一些當地的外藉人士返來幫手,他引誘佢地,話誰若肯留低直至19:00,便請他吃飯。他的英語角便是這樣運作下去。當主持人正想讚揚他:「那你不是要用很多自己的錢吧!你又沒收入...」他即一臉鬼馬地說:「每次也是請牛肉麵,只是三數塊錢,不要提吧。」

節目中某片段影著他穿的一對破鞋子,鞋頭破得連腳趾也通通伸了出來。主持人正想讚揚他的節儉,他又即反駁,說因為他個人高,腳太大,根本買不到鞋子,但現在好很多了有幾對鞋了。主持想再談那破鞋子,他又笑笑說:「唉!不要說了!」

主持人問他身高那麼高,聽說很多年來他也不曾能伸直個人睡覺(沒有合適的床),那會不會沒有被子會適合他蓋。他說他用2張被子,一張蓋身,一張蓋腳。當主持用一個憐惜的眼光正想再說時,他笑笑說:「也好。反正我腳很臭。2張被子聞不到!」

他初來到東鄉這個窮到不堪似乎已遭人遺棄的地方,當地人沒見過外國人,不大歡迎他,連找一個住的地方對方也多不願意租。他接近小朋友,小朋友嫌棄他不懂東鄉話,他反省自己是來辦學的,若連當地話也說不到,還怎當這些小朋友的老師。他唯有跟小朋友逐個詞語來學,因為當地話根本沒有一個系統/記錄能跟隨,他感到困難。

他申請做老師,搞手續搞了1年多。又因為當地根本沒有聘請人的系統,所以讓他們考慮及setup這個系統,又等了1年多。終於,有了系統,搞了所有手續,他被通知有一個月500元的工資,但,他整整1年也收不到。因為對方說他反正也義務做了咁耐,出糧同唔出也冇乜分別。
(比著係我,我真係冇佢咁好耐性等咁死耐。我黎幫你地,你地要好似慌死我係國外間諜咁查我,仲要浪費我時間?話左有糧出又唔出,呢個咩世界?比著係我,一定要投訴;但佢,沒半句怨言/面露不悅)

他爸爸到中國探望他。主持問爸爸有沒有讚他幹得好,他笑說,反而是他讚爸爸幹得好。因為他六十多歲的老爸與他爸五十多至六十多的朋友們通通幫他搬磚,建學校,忙了幾天,臨走前還捐了一筆錢給當地辦學,所以他讚爸爸幹得好。

看到他的故事,我真的很感動!

感動的,不是他不計回報付出很多。
而是,他似乎並不覺得自己在付出。
這,才是愛。

p.s. 很想去東鄉找他...

一虎一席談

March 26th, 2006

無意中發現鳳凰衛視有個節目「一虎一席談」。

講真,我原本對一些說普通話的分析/評論/討論時事等的節目沒有多大好感,因為總覺自己同內地人諗野的模式有很大分岐,為免越睇越激心,所以一直沒有半點興趣睇。

但看完呢集節目有點改觀。

今集說裸跑。首先談到中國開始有一些對性很開放的出位人士,主持人舉了4個例子,當中當然不會少了木子美。再提到最近有一男人在街上裸跑的例子。節目中找了對裸跑持相反意見的2個人(一個極端保守,一個思想開明)亦找了另一個似乎比較中立的人,3人激烈辯論,很有睇頭。最後,甚至找了那個裸跑的男子上來,讓他發表他自己的想法,後再辯論。

真係難得,難得中國大陸開始有d識獨立思考既人出現,令我都嚇了一驚。好! 亦難得有普通話節目可以咁開放討論,唔似得一d官台節目,睇到你血都嘔。

「一虎一席談」播放時間:

周六﹐20:00-21:00﹐重播﹕周日03:10﹑13:00

冇可能唔醒既鬧鐘

March 25th, 2006

1)一個吊響天花板既鬧鐘,由天花板垂條線落黎吊住個鬧鐘.
第一次佢響,你坐響度拍熄佢,再訓...
佢再響,你要再拍熄佢,再訓...
但條線會越黎越短... :mrgreen:
整下整下...
你要企起身,甚至唔夠高要law張梯黎先拍得熄!!!!

http://www.gizmodo.com/gadgets/gadgets/household/hanging-alarm-clock-031318.php

 

2)個鬧鐘係冇掣比你按熄
佢一響既時候會有4塊砌圖飛出黎,
之後個主體會一路響

直至.... :mrgreen:

你要起身搵返晒4塊砌圖飛左去邊,
執返晒返黎
砌返好落個鬧鐘度
佢先會停!

http://www.gizmodo.com/gadgets/gadgets/household/jigsaw-puzzle-alarm-clock-032138.php

 

3) 一個軟綿綿既鬧鐘,
內置彈弓,
夠鐘響既時候,
佢會四圍咁彈,
可能彈上床或唔知彈左去邊

除非你起身捉到佢...
先有機會比你按熄...

4)手榴彈鬧鐘

呢個要搵人幫手...

叫你屋企人叫醒你,若叫唔醒,
抆走手榴彈條保險匙,
掉個手榴彈響你張床度,
再走出廳收埋條保險匙

個鬧鐘會響你張床度又彈又震又響,

直至...
你走出廳搵得返條保險匙,
再返入房捉住個彈下彈下既手榴彈,
插返條匙入去,
咁佢先會停.

這就是年青人該有的性態度?

March 15th, 2006

經一朋友介紹,看過突破機構的其一網址,內裡有一環節「師傳過招」讓人提出性問題,再由一有宗教背景的「專業人士」解答。

天呀!內裡的答案...我只能用慘不忍睹來形容!再多看幾個問題及解答,我簡直不能置信!

我從不鼓吹年青人隨便發生性行為,但要去到鼓勵年青人,或是基督徒去這樣壓抑性慾,這就是現今的所謂性教育嗎?不惜醜化性行為、不惜扭曲基本性知識,不惜誇大說性慾=淫念=罪...為的只是叫人不要做!不要想!不要試!這就是現代教導年青人應有的態度?

當中有一篇叫「拒絕性」,一對基督徒情侶不停發生性行為、不停自責,極度困擾,甚至曾想分手來避免大家再「錯」下去。他們雖不斷禱告求神賜給他們力量,求神讓他們不要再「錯」下去,亦不得要領,甚至最後令他們對自己的信仰動搖,令他們更陷入深淵裡。他們的矛盾、他們的痛苦,真的令人聞者心酸。

然而,解答者不單沒有實際解決他們的問題,還反覆灌輸一種性=罪=毒癮的意念,究竟他居心何在?難道他看不見發問者的問題?難道他感受不到發問者的痛苦?難道他看不出發問者已經自責到就黎要自殺死了,所以還要進一步加重他的自責?

若我是發問者,相信看完他的解答,相信只會增加我的困擾:我禱告不夠虔誠嗎?我真的犯下滔天大罪了嗎?...若我是發問者,我自殺去了!

宗教是宣揚愛的,是讓人心靈平靜的。到底,是信仰要緊,還是人道要緊?當要堅守自己信仰的規條時,害得自己痛苦萬分,陷入萬劫不覆之地,這種堅守又為了什麼?上帝萬能,是萬物的創造者。人、罪、性慾...等通通是祂所做的。人在性愛中有歡愉亦是祂造的。試問,性慾、性愛中的歡愉又何罪之有?這不是吊詭是什麼?

雖然我尊重基督教婚前不能有性行為,但若我是牧師,眼見這對小情侶因為信仰與性如此困擾痛苦,基於人道立場、基於愛、基於對生理上需求的理解、基於對人性的尊重、基於憐憫之心,我會不忍的對他說:「放自己一條生路,離開教會吧!」

夢遊的小巴司機

March 12th, 2006

已經唔係第一次,係第三次 !
每次我都係坐司機後那排位,不是靠窗

第一次:
感覺架車好怪,時快時慢。而且慢既勁慢,而且架車左左右右咁駛,響同一條線度左搖右擺,不停踩白線,加上佢踩個油門同break好怪,踩得好唔smooth,架車窒下窒下咁。我一望車頭倒後鏡,見到佢訓!訓訓下又會打開眼,即係恰下醒下!醒時又不停meet自己膞頭,一係r下頭髮,好似要迫自己清醒d咁,嚇到我個心勁驚 :shock: ,好想話比全車知,但又細膽唔敢開聲...

第二次:
同一情況,又係佢,又係咁。今次終於鼓起勇氣,話左比坐隔離那個女仔知,佢好勇敢咁不停拍司機個椅背,大叫 :evil: :「司機喂你唔好訓喎!」「司機你小心駕車!」「司機你駕唔駕到車呀?」佢冇回應,只係當那女仔鬧佢時佢就醒一醒,唔鬧時又訓過...

第三次:
頭先又咁衰又撞到佢,又係咁...今次佢好精,將個車頭倒後鏡較低左,我見唔到佢訓覺個樣,但由架車唔正常地慢、左搖右擺踩白線、break同油門窒下窒下既feel。我知又係呢條粉腸!我今次話左比隔離那男人聽,男人細細聲對我說:「駕得咁慢唔緊要既,若駕得快就幣喇。」我心諗 :evil: :「你係咪男人黎架,咁都唔幫人出頭既?你呢d男人勁冇吉士!雖然慢o者,但訓住覺來駕車,都好危險o者!」轉頭那男人響青山公路游泳會落左車。我嚇到全程車都唔知點算,滴晒汗,血壓上升...仲嚇到有d胃痛! :shock: 想話找人求助,但望向後面大部份人都訓緊覺...我終於忍唔住同司機講:「司機你駕唔駕到車呀?」司機醒一醒,但冇回應。我落車時,經過坐車門隔離的單人位見到一女仔,我經過時快快手同佢講:「司機訓覺,你自己小心d。」
唉...我都係唔夠勇氣... :sad:

其實我每次都好想報警,又或者話晒比全車知 :evil: ,因為咁樣真係好危險家麻,條友又訓到勁誇張,不停咁訓,就算我落左車,架車touch wood 有意外,咁都唔好啦!

線路:旺角至元朗紅VAN

時間:半夜時份

年齡:5x-6X

特徵:地中海頭

車牌:唔記得留意,因為次次落車時都太驚,個腦一片空白 :shock: ,唔記得睇

**** 請問大家可唔可以教下我,我下次應該點做?****

--------------------
講開小巴,轉貼一篇好耐之前既post:

香港公共小巴司機 勁過 麥拿倫車隊

講圈速一定係小巴佬勁。
但講好彎,一定係巴士佬,尤其係搾港島半山、赤柱、及海洋公園線果班。

10mins屯門出旺角,但小巴佬能夠用架小巴做到飄移喎~
我坐過架旺角入荃灣小巴,響美孚甩尾,跟住由荃灣出佐敦,架小巴響青山上落片彎。

如果大家有幸既話,試下留意一架行彩虹至荃灣 Van 仔。架 Van 仔有 Recaro 真皮桶seat、三幅呔盤、短波棍頭、有地毯、有成set Kenwood 音響連大喇叭加 subwoofer。有個鬍鬚佬搾.。果次簡直係我有生以黎搭 Van 仔最高享受。

有一次坐城巴入赤柱,坐上面。司機片完個彎之後,我由右手邊排”鄧”飛左過左邊。

香港迪士尼如果要整個有香港特色既過山車,可以考慮以 Van 仔為藍本。又或者搵一批香港 Van 仔,重新包裝車廂,用來作香港迪士尼專車,等d遊客未到迪士尼已經知咩叫刺激、知道香港迪士尼唔係小野。

公路最高速理論唔係 Initial D Toyota AE86、唔係秋名下坡道、係16座位 Toyota Coaster !係青山公路、屯門公路、龍翔道、同西九龍走廊!

大家有冇發現佢地唔止行車快,上落客都快?

有時夜晚搭 Van 仔,司機永無停定比你上車。我要首先自己助跑幾步,架車開定門駛到埋我身果陣,就順勢跳上車。當司機大佬 feel 到你只要有其中一隻腳係踏左上車時,佢地就即刻地板油去。

而我上左車之後亦甚少需要用自己既腳力行去座位,因為佢一加油時,架車既去勢同衝力已經將我 fing 到去最近既座位度,緊緊既將我背脊黐響椅背上面。

同樣地響落客時,d司機永遠唔使拉開門手掣。佢地既車速+急剎已經可以將度車門彈開,個客就因為急剎既衝力好自然會由車尾被”送”到車門位置,跟住快手比錢然後跳車。個動作十足十二次大戰美軍第101空降師。所以搭得多小巴可以做雷霆傘兵。同埋大家記住,以佢地既”效率”,上車果陣你已經要準備定嗌「有落」。

所以,小弟最近買左新車,但未諗到放咩裝飾品上去,而家諗到啦!我會響車頭玻璃掛個寫住「旺角至荃灣千色店」既膠牌,型爆!!!!高速既象徵!!!

遇著小巴佬,Type-R 行埋一二角,一係就落車然後上埋架小巴,小巴佬載晒你我的家人上車都快過你一個搾。

d人壽保險電視廣告應考慮用坐小巴黎做題材。

衛蘭- My Love My Fate

March 5th, 2006

歌手:Janice | 作曲:June
填詞:林夕 | 編曲:伍樂城@RNLS

my love my fate you will fade away
以後隔天與地
I love I hate I’ll miss you always
我永遠亦愛你

太美好的東西 會走
還未愛夠了你 怎放手
從來不肯假想 失去你那感受
我這對腳 怎麼走

從來並未練習過溫柔
遲學你或已經沒法接受
然後你會說我跟她分左與右
誰希罕這種手拖手

my love my fate you will fade away
再沒有戀愛味
I love I hate I’ll always be afraid
永遠也害怕你

我要首先講聲 我走
還是愛到你說 請你走
如果講一聲 請照顧 我感受
我最怕你講出口

從來並未練習過溫柔
遲學你或已經沒法接受
然後你會說我跟她分左與右
誰希罕這種手拖手

下次開心已要靠自己
下次頂多飾演好知己
其實再次見你 真需要 靠演技
也要你我好心地

my love my fate you will fade away
過去當做看戲
世界當沒有你 Ooh…

陳奕迅-最佳損友

February 23rd, 2006

早兩天在收音機突然聽到一首新歌, 聽著聽著, 眼睛又再次紅起來...
原來,友情也會令人心痛...

最佳損友 - 陳奕迅

曲:Eric Kwok
詞:黃偉文

朋友我當你一秒朋友
朋友我當你一世朋友
奇怪過去再不堪回首
懷緬時時其實還有

朋友你試過將我營救
朋友你試過把我批鬥
無法再與你交心聯手
畢竟難得有個最佳損友

從前共你促膝把酒傾通宵都不夠
我有痛快過你有沒有
很多東西今生只可給你
保守至到永久
別人如何明白透
實實在在踏入過我宇宙
即使相處到有過裂口
命運決定了以後再沒法聚頭
但說過去卻那樣厚

問我有沒有
確實也沒有一直躲避的藉口
非甚麼大仇
為何舊知己在最後變不到老友
不知你是我敵友
已沒法望透
被推著走跟著生活流
來年陌生的是昨日最親的某某

生死之交當天不知罕有
到你變節了至覺未夠
多想一天彼此都不追究
相邀再次喝酒
待葡萄成熟透
但是命運入面每個邂逅
一起走到了某個路口
是敵與是友
各自也沒有自由
位置變了各有隊友

問我有沒有
確實也沒有一直躲避的藉口
非甚麼大仇
為何舊知己在最後變不到老友
不知你是我敵友
已沒法望透
被推著走跟著生活流
來年陌生的是昨日最親的某某
早知解散後各自有際遇作導遊
奇就奇在接受了各自有路走
卻沒人像你讓我眼淚背著流
嚴重似情侶講分手

有沒有
確實也沒有一直躲避的藉口
非甚麼大仇
為何舊知己在最後變不到老友

不知你又有沒有
掛念這舊友
或者自己早就想碰頭
來年陌生的是昨日最親的某某
總好於那日我沒有沒有遇過某某

介殼蟲

November 19th, 2005

之前在十蚊店買左棵好似蘭花既小植物返黎,種左唔夠1星期已開花花,幾個星期,已有十幾朵花花,藍色細細朵,好靚,好開心!

點知,最近發現成棵野滿佈一種白色的小蟲,相信有成幾百隻,好恐怖...唯有將成盤放入水浸,雖然浸到過百隻出黎,但,似乎都有d白色蛋痴住響d莖度,真係好難搞。上網search,終於search到原來呢種野叫介殼蟲,而且好難清得晒,慘...

同翅目 ( Homoptera ) => 
介殼蟲總科 ( Coccoidea ) 或
粉介殼蟲科 ( Pseudococcidae ) 或
盾介殼蟲科( Diaspididae ) 或
鏈介殼蟲科 (Asterolecaniidae) 或
膠介殼蟲科( Kerridae) 或
碩介殼蟲科 ( Margarodidae)

類似呢隻介殼蟲<br />
</p/><!--bac03901a935b1c41f82eba76f1e8af5--></p>
				</div>
		
				<p class=Posted in General | No Comments »

番薯與芋頭 - 打大交

November 5th, 2005

好唔開心...

原來,熄燈後芋頭先至會活躍起來,平日只係扮乖乖,仲會上1/F玩波波。本來咁係好事,但,原來佢會見親番薯就追!

留意左佢成晚,佢就追足成晚,一追到兩個就打到叫到拆天咁滯,留意左佢地2個鐘,打足十幾次!每次打成十幾秒!成晚忙於佢地一打就分開佢地,搞到個心好唔安樂...

忍無可忍,終於urgent落左7-11求其買左盒糖,諗住比個盒番薯可以暫時當係屋仔,點知,返到上黎只係見到番薯響個波到不停咁跑,點都唔肯落返 G/F,仲要見到 1/F 有D血跡!!!

夾硬放番薯落 G/F 個新屋仔度,點知芋頭一見到佢,又吱吱叫黎兇佢想追佢,嚇到番薯即刻兜路走、一支箭咁又衝返上 1/F...

而家終於知道,點解番薯成日跑住個波波...原來,佢真係好驚!見到番薯肚肚近肛門度流晒血爛晒,個心真係好赤...

轉頭,又見到芋頭得閒無事走上去1/F玩波,點知見到番薯響個波波入面,又撲埋去打佢,番薯再次唔夠打,即刻走返出黎。番薯想走返入去,但一走近,芋頭又撲出黎打佢!

番薯真係超慘.....點算呀???

比多間屋仔佢又唔入,間屋仔就算放上1/F,芋頭得閒又走上去蝦佢!搞到4點幾,點都分唔開佢2個,忍無可忍,夾硬將間屋條通道拆左佢,將通道位用紙皮封住,將芋頭放上1/F,番薯放響G/F,等佢地隔絕。放番薯去G/F,係因為想G/F儲多D佢自己既氣味,費事好似芋頭霸晒G/F咁,但番薯依然好驚,四圍咁搵路想上返1/F,我估佢以為芋頭仍然係度,因為芋頭多數在G/F...

況且,因為1/F冇水冇糧,我更加唔捨得放番薯上去...

而家都唔知點算...就算分籠,都係唔得,因為屋企已經冇位放,今日先至比爸爸話我個籠太大,叫我自己LAW返入房,但我間房邊有位丫!加上我鼻敏感,一放入房我就不停流鼻水。所以,若仲要加多個籠,肯定唔掂...

咁點算呀!!!???

天呀!番薯又流晒血爛晒咁,咁又點算呀?駛唔駛同佢睇醫生架?救命呀!
:sad: :sad: :sad: :sad: :sad: