要我AA算, 要我倒貼都算, 要借我錢唔還又算, …..所有數都已經唔記得! 亦冇諗過要收返.
點知…. 近期開始冇乜錢….
尋晚他嚷著今朝要飲茶, 今朝和他去!
他還特意著了鞋說:「一陣間飲完茶送你返屋企。」(若他平時落街只會著拖鞋)
出門口時他突然說不如去茶記食, 我說唔好, 既然他嚷了一整晚, 就去飲茶吧.
我說冇錢響身, 他帶了我去禁機….
埋單時, $14X, 我一反常態專登冇郁手, 他比錢後,
我:「若我比$100你, 你有冇錢找?」
他:「有. 點解冇.」(放了$25在枱上推向我)
我試探他:「算啦, 我都係唔比喇!」
他:「點解呀?」
我:「我呢排真係冇乜錢.」
他:「有冇搞錯呀!? 唔得呀! 成百幾蚊咁貴!」(我心諗: 吓? 咁都得?)
我笑笑口:「冇呀! 響你欠我條數度扣啦!」(推返那$25比佢)
他開始認真:「唔理你呀! 每人$75!」(再次推返$25過來)
我開始嬲:「你唔要啦嘛, 咁我袋架喇! 齊頭扣一百!」(因覺把$25推來推去太核突, 索性袋落袋, 便起身轉頭走!)
他沿路上, 一路不停咀的喃喃自語, 重覆又重覆…. 分幾鐘後, 我實在頂唔順乜解究可以因幾條野講咁耐! 實在火起!
他: 「痴線, 明知我窮都唔體諒人!」
我:「你窮? 你有積蓄我就爭人幾萬蚊! 咁叫你窮!?」
「我日日做到隻狗咁, 你要成日唔返工, 你咁窮法我無你計架喎!」
「我唔體諒你? 劑劑我比大份你比細份, 我有冇出過聲呀?」
「你明知我找唔掂銀行D數,你又有冇出過聲呀? 你問都冇問候半句呀! 我咪又係自己最終搞掂佢啦
他還駁:「我旨意你o個幾十蚊今晚同人去飲野家麻, 家下唔駛去啦!」
我嬲到爆:「家下唔係問你攞幾十蚊, 係還幾十蚊, 駛唔駛好似殺你全家咁!?」
他還不屑的說:「爭你o個少少錢, 成日掛起口唇邊, 唱通街咁, 家下爭你萬九呀!?」
我爆炸了:「吓? 我點樣掛響口邊唱通街呀? 我有冇追過你條數呀?」(實情係二個月以來只追過一次咁大把, 而所謂既追係只問一次:「你又話尋日還錢比我既?」)
他繼續賴皮的:「都話唔飲茶架啦! 我晨早話茶餐廳架! 係你話要飲茶架! 比錢呀!」
那刻真係好嬲到癲, 好想搵錢一野擲死佢! 伸手入袋正想找錢! 但一想起只有紙幣, 擲佢唔死, 便停下來…
我忍無可忍:「我係唔攞架喇! 你還錢丫!」
他還有臉說:「你拿拿臨攞返D錢黎先啦!」
我開始傷心:「得啦! 我有錢你就同我一齊, 一冇錢要你還幾十蚊你就唔愛我喇下話!?」
他:「快D攞返黎呀!」(我心諗: 你的面皮也真夠厚吧!)
我:「咁你即係而家知道我冇錢喇, 你唔會送我返屋企架喇係咪呀?」
他:「送你到車站啦!」
我悲痛:「你唔係咁下話?」
他:「我係咁架喇, 咁你攞黎啦!」
我絕望:「你仲係咪男人黎架!?」
他快步地向前走, 我跟在後頭, 越行越hurt… 不斷問自己:我想散嗎? 我不想!
我追上前去拖他的手, 他大力的把我甩開:「唔好掂我呀! 幾十蚊同我計!」
我欲哭無淚:「而家係你同我計,唔係我同你計!」(我再次抓著他)(心諗: 我同佢計的話我一路以來幹嗎要冇悔冇怨地駛錢!?)
他再次狠狠的把我甩開:「我唔係男人丫麻! 你咪搵個男人掂唔好掂我囉!」
……………
他快步地向前走, 我跟在後頭, 越行越hurt…
到了車站, 他真的只送我上車….
到現在, 還沒有一個電話….
一段$25的愛情, 一個$75的我…. The world’s gone mad!!! 原來給愛情太多尊重, 只會令自己失去尊嚴… RIDICULOUS!!!!