~精神~網~SPA~

已經唔係第一次，係第三次　！
每次我都係坐司機後那排位，不是靠窗

第一次：
感覺架車好怪，時快時慢。而且慢既勁慢，而且架車左左右右咁駛，響同一條線度左搖右擺，不停踩白線，加上佢踩個油門同break好怪，踩得好唔smooth，架車窒下窒下咁。我一望車頭倒後鏡，見到佢訓！訓訓下又會打開眼，即係恰下醒下！醒時又不停meet自己膞頭，一係ｒ下頭髮，好似要迫自己清醒ｄ咁，嚇到我個心勁驚:shock:，好想話比全車知，但又細膽唔敢開聲．．．

第二次：
同一情況，又係佢，又係咁。今次終於鼓起勇氣，話左比坐隔離那個女仔知，佢好勇敢咁不停拍司機個椅背，大叫:evil:：「司機喂你唔好訓喎！」「司機你小心駕車！」「司機你駕唔駕到車呀？」佢冇回應，只係當那女仔鬧佢時佢就醒一醒，唔鬧時又訓過．．．

第三次：
頭先又咁衰又撞到佢，又係咁．．．今次佢好精，將個車頭倒後鏡較低左，我見唔到佢訓覺個樣，但由架車唔正常地慢、左搖右擺踩白線、break同油門窒下窒下既feel。我知又係呢條粉腸！我今次話左比隔離那男人聽，男人細細聲對我說：「駕得咁慢唔緊要既，若駕得快就幣喇。」我心諗:evil:：「你係咪男人黎架，咁都唔幫人出頭既？你呢ｄ男人勁冇吉士！雖然慢ｏ者，但訓住覺來駕車，都好危險ｏ者！」轉頭那男人響青山公路游泳會落左車。我嚇到全程車都唔知點算，滴晒汗，血壓上升．．．仲嚇到有ｄ胃痛！:shock:想話找人求助，但望向後面大部份人都訓緊覺．．．我終於忍唔住同司機講：「司機你駕唔駕到車呀？」司機醒一醒，但冇回應。我落車時，經過坐車門隔離的單人位見到一女仔，我經過時快快手同佢講：「司機訓覺，你自己小心ｄ。」
唉．．．我都係唔夠勇氣．．．

其實我每次都好想報警，又或者話晒比全車知:evil:，因為咁樣真係好危險家麻，條友又訓到勁誇張，不停咁訓，就算我落左車，架車touch wood 有意外，咁都唔好啦！

線路：旺角至元朗紅VAN

時間：半夜時份

年齡：5x-6X

特徵：地中海頭

車牌：唔記得留意，因為次次落車時都太驚，個腦一片空白:shock:，唔記得睇

**** 請問大家可唔可以教下我，我下次應該點做？****

－－－－－－－－－－－－－－－－－－－－
講開小巴，轉貼一篇好耐之前既post:

香港公共小巴司機 勁過 麥拿倫車隊

講圈速一定係小巴佬勁。
但講好彎，一定係巴士佬，尤其係搾港島半山、赤柱、及海洋公園線果班。

１０ｍｉｎｓ屯門出旺角，但小巴佬能夠用架小巴做到飄移喎～
我坐過架旺角入荃灣小巴，響美孚甩尾，跟住由荃灣出佐敦，架小巴響青山上落片彎。

如果大家有幸既話，試下留意一架行彩虹至荃灣 Van 仔。架 Van 仔有 Recaro 真皮桶seat、三幅呔盤、短波棍頭、有地毯、有成set Kenwood 音響連大喇叭加 subwoofer。有個鬍鬚佬搾.。果次簡直係我有生以黎搭 Van 仔最高享受。

有一次坐城巴入赤柱，坐上面。司機片完個彎之後，我由右手邊排”鄧”飛左過左邊。

香港迪士尼如果要整個有香港特色既過山車，可以考慮以 Van 仔為藍本。又或者搵一批香港 Van 仔，重新包裝車廂，用來作香港迪士尼專車，等ｄ遊客未到迪士尼已經知咩叫刺激、知道香港迪士尼唔係小野。

公路最高速理論唔係 Initial D Toyota AE86、唔係秋名下坡道、係１６座位 Toyota Coaster ！係青山公路、屯門公路、龍翔道、同西九龍走廊！

大家有冇發現佢地唔止行車快，上落客都快？

有時夜晚搭 Van 仔，司機永無停定比你上車。我要首先自己助跑幾步，架車開定門駛到埋我身果陣，就順勢跳上車。當司機大佬 feel 到你只要有其中一隻腳係踏左上車時，佢地就即刻地板油去。

而我上左車之後亦甚少需要用自己既腳力行去座位，因為佢一加油時，架車既去勢同衝力已經將我 fing 到去最近既座位度，緊緊既將我背脊黐響椅背上面。

同樣地響落客時，ｄ司機永遠唔使拉開門手掣。佢地既車速＋急剎已經可以將度車門彈開，個客就因為急剎既衝力好自然會由車尾被”送”到車門位置，跟住快手比錢然後跳車。個動作十足十二次大戰美軍第１０１空降師。所以搭得多小巴可以做雷霆傘兵。同埋大家記住，以佢地既”效率”，上車果陣你已經要準備定嗌「有落」。

所以，小弟最近買左新車，但未諗到放咩裝飾品上去，而家諗到啦！我會響車頭玻璃掛個寫住「旺角至荃灣千色店」既膠牌，型爆！！！！高速既象徵！！！

遇著小巴佬，Type-R 行埋一二角，一係就落車然後上埋架小巴，小巴佬載晒你我的家人上車都快過你一個搾。

ｄ人壽保險電視廣告應考慮用坐小巴黎做題材。

This entry was posted on Sunday, March 12th, 2006 at 8:21 am and is filed under General. You can follow any responses to this entry through the RSS 2.0 feed. You can skip to the end and leave a response. Pinging is currently not allowed.